Monday, July 18, 2016

పరమపద సోపాన క్రీడలలో మేటి

పరమపద సోపాన క్రీడలందున - 
నిచ్చెనలు ఎక్కుటలొ నీకు నీవే సాటి; 
బేలలము నీదు భక్తులము ఎల్లరము! ; 
ఇక పైన 
మాకన్ని నేర్పుట - నీ వంతు! 
నీదు చిత్తము, మాదు భాగ్యాలు కన్నయ్యా! || 
;
చెరుకు గడలివిగోర! రావయ్య క్రిష్ణయ్య! ; 
చప్పరిస్తూ బాగ జుర్రుకోవయ్యా! 
మన్మధుని తండ్రివి, 
నీకు చప్పగా అనిపిస్తె -
ఏమి సేతుము? 
మేమేమి సేతుము! క్రిష్ణమ్మ! 
నీదు చిత్తము, మాదు భాగ్యాలు కన్నయ్యా! || 
;
వెన్నపూస, జున్ను,పాలివిగోర! క్రిష్ణా!
వీని గ్రోలక ఇతరులిళ్ళలొ 
ఉట్టి పయిని దుత్తలందలి
మీగడలకై దూలమ్ములెక్కెద 
వేమి సేతుము? 
మేమేమి సేతుము! క్రిష్ణమ్మ! 
నీదు చిత్తము, మాదు భాగ్యాలు కన్నయ్యా! || 

;*********************************************,

రాధామనోహరం (శీర్షిక: శ్రీ కృష్ణ భావలహరి) ; 

No comments:

Post a Comment