రాధికా విజ్ఞాపన

కపిలధేనువిచట కంపించుచున్నది ; 
నెమలి కనుల నీరు నించుచుండె; 
బొండుమల్లె తోట బావురనియె ; 
యమున నీటి హొయలు సౌరు తగ్గె - 
              పచ్చి కొట్టి పండు లలక పూనె; 
                 గొల్ల చద్ది మూట విప్పబడదు ;
;
గోవులన్ని దిగులు పొగలు బార ; 
పాలు లేక కుండలన్నియు నిండుకొనియె ; 
కన్నె కంకణాలు మూగవోయె; 
వెన్న మీగడలపైన ఈగలు ముసురుకొనియె ;;; 
;
పాలు విరిగి నేల పాలు ఆయె!
చిన్నిమనసు అడవి పాలు ఆయె ;
నెలత రాధ లేత మనసు ఆరడి పాలు ఆయె! ;;; 
;
సోది చెప్పు భామ చేట నిండె ; 
రోజు తప్పక కనుల 
         నీటి ముత్యాల జాలు తప్పవాయె ; 
రాధ నొసటను వెతలు ఖేదములు నిండె ;
;
 =====================;

raadhikaa wij~nApana  :-  
;
kapiladhEnuwichaTa kampimchuchunnadi ; 
nemali kanula neeru nimchuchumDe; 
bomDumalle tOTa baawuraniye ; 
yamuna niiTi hoyalu sauru tagge - 
;
pachchi koTTi pamDu lalaka puune; 
golla chaddi mUTa wippabaDadu ;
;
gOwulanni digulu pogalu baara ; 
paalu lEka kumDalanniyu nimDukoniye ; 
kanne kamkaNAlu muugawOye; 
wenna mIgaDalapaina iigalu musurukoniye ;;; 
;
paalu wirigi nEla paalu aaye!
chinnimanasu aDawi paalu aaye ;
nelata raadha lEta manasu AraDi pAlu Aye! ;;; 

sOdi cheppu BAma chETa nimDe ; 
rOju tappaka kanula niiTi mutyaala jaalu taappawaaye ; 
raadha nosaTanu wetalu KEdamulu nimDe ;

; [  పాట 92 ; బుక్ పేజీ 97  , శ్రీకృష్ణగీతాలు ]